Maint y testun: A A A
Cyferbynnedd:
Gwrando: More about BrowseAloud

Ffoniwch ni: 0800 464 00 00

Digwyddiadau

Latest Tweets

@TravelineCymru RT Due to Stanwell Rd closure at Penarth Library, the Windsor Arcade bus stop at Penarth town centre will not be in us… https://t.co/Q0QgWhKoH4
@TravelineCymru RT #Blackwood Depot update: Please be aware that Stow Hill will be closed today, preventing our services going through… https://t.co/sOQctAu24u
@TravelineCymru RT #Cheltenham #Tewkesbury Due to an incident on the M5 between J10 & J11, Service 41, 42 & 43 are experiencing delays… https://t.co/fJfLAhHKbE
@TravelineCymru RT #Cheltenham #Gloucester Due to an incident on the M5 between J10 & J11, Service 94 is experiencing delays due to co… https://t.co/tPWeMiM9nT
@TravelineCymru RT #Carmarthen - All lines have reopened between Carmarthen and Milford Haven / Pembroke Dock / Fishguard Harbour foll… https://t.co/OgfEvTXfDT
Rhyl 10 Mile Run

Ras 10 Milltir y Rhyl - 23 Chwefror 2019

Bydd Ras 10 Milltir y Rhyl yn cael ei chynnal ar hyd y darn godidog hwn o arfordir y gogledd ar 23 Chwefror 2019. Gan ddechrau am 10am, bydd y rhedwyr yn gallu anadlu aer y môr a mwynhau golygfeydd ysblennydd o’r arfordir wrth iddynt ddilyn y llwybr o’r SeaQuarium tuag at Glwb Golff Prestatyn, cyn troi’n ôl i groesi’r llinell derfyn.    

Mae’r cwrs yn un gwastad a chyflym sy’n golygu bod y ras yn ddelfrydol i redwyr profiadol a dechreuwyr fel ei gilydd. Mae’r ffi ar gyfer cymryd rhan yn y ras yn amrywio o £24 i £26 ac mae’n cynnwys medal a chrys-T. Rhaid i redwyr fod yn 17 oed neu’n hŷn, a gallwch gofrestru ar gyfer y Ras 10 Milltir ar wefan y digwyddiad.

Os nad ydych yn teimlo’n barod i redeg 10 milltir eto, beth am gymryd rhan yn y Ras Hwyl? Bydd y ras hon, sy’n fyrrach, yn dechrau am 9:15am a gall rhedwyr o bob oed gymryd rhan ynddi. Gallwch gofrestru ar y dydd, a’r ffi yw £3 y pen. Rhaid i blant sy’n 9 oed neu’n iau gael cwmni oedolyn i redeg y ras.

Mae croeso i bobl ddod i wylio’r rasys ac annog y rhedwyr yn eu blaen. Ewch draw i ddangos eich cefnogaeth!

 

Ydych chi am deithio i’r digwyddiad hwn?

Mae gorsaf fysiau a gorsaf drenau’r Rhyl o fewn pellter cerdded byr i bencadlys y rasys, yng Ngorsaf Bad Achub yr RNLI, ac i linell gychwyn a llinell derfyn y rasys.

 

Trafnidiaeth gyhoeddus

Os ydych am deithio ar drafnidiaeth gyhoeddus, defnyddiwch ein Cynlluniwr Taith i ddod o hyd i’r llwybr mwyaf cyfleus, manylion y gwasanaethau sy’n rhedeg a’u hamseroedd.

Os hoffech ddod o hyd i amserlen fysiau, ewch i’n tudalen Amserlenni. Yma, gallwch chwilio am lwybr bysiau penodol neu’ch lleoliad er mwyn gweld amserlenni gwasanaethau yn eich ardal. Yn ogystal, byddwch yn gallu argraffu’r amserlen er mwyn mynd â hi gyda chi ar eich taith.

 

Cerdded a beicio

Gallwch hefyd ddefnyddio ein cynlluniwr taith i ddod o hyd i lwybrau cerdded a beicio er  mwyn cyrraedd eich digwyddiad. Os ydych yn byw’n agos, gall cerdded fod yn ffordd wych o weld y golygfeydd a mwynhau’r awyrgylch cyn y digwyddiad!

Mae rhagor o wybodaeth ar gael ar ein tudalen Beicio a Cherdded.

< Pob digwyddiad