Maint y testun: A A A
Cyferbynnedd:
Gwrando: More about BrowseAloud
Newyddion

Latest Tweets

@TravelineCymru RT Dydd Gwener fyddwn yn Meddygfa Preseli yn y llyfrgell i siarad gyda chi ynglyn a unrhyw anghenion trafnidiaeth rhwn… https://t.co/qh5XhoVwnA
@TravelineCymru RT **CUSTOMER NOTICE** Due to an accident on Chepstow road by Ringwood avenue our 6 / 8 / 9 and 73 services will be de… https://t.co/OsFyO7ygLH
@TravelineCymru RT SERVICE CANCELLATION NUMBER 2: Due to a breakdown, the 8:27 City Circle 2 from UHW will not be operating. Apologies… https://t.co/rvWP3D9IAa
@TravelineCymru RT #PORTH SVC 150 Porth leaving Gilfach at 06:56 is currently experiencing a technical issue and will not operate unti… https://t.co/lgPKqFjEkQ
Newport Council

Seremoni Wobrwyo ar gyfer gwaith Cynllunio Teithio yn cael ei chynnal yng Nghasnewydd

10 Hydref 2014

Ddydd Iau 16 Hydref, bydd Cyngor Dinas Casnewydd yn cynnal ail Seremoni Wobrwyo flynyddol y De-ddwyrain ar gyfer gwaith Cynllunio Teithio.

Bydd y gwobrau a gyflwynir yn y seremoni yn y Ganolfan Ddinesig, sy’n cydnabod arfer da a rhagoriaeth wrth gynllunio teithio, yn cael eu cyflwyno gan y Cynghorydd Ken Critchley, aelod cabinet y Cyngor sy’n gyfrifol am isadeiledd.

Bydd y digwyddiad hwn, y gall pobl ei fynychu’n rhad ac am ddim, yn cynnwys prif araith gan Alex Veitch, Cadeirydd Act Travelwise. Bydd Rosie Sweetman o Busnes yn y Gymuned ac Owen Jones o Gymdeithas Tai Wales & West yn sôn am Her Teithio i’r Gweithle a sut y mae wedi gwneud gwahaniaeth i’w sefydliad.

Bydd y digwyddiad hefyd yn cynnwys cyfres o weithdai hyfforddi a fydd yn cynnig cyngor gwerthfawr, cynghorion a gwybodaeth am arfer gorau yng nghyswllt trafnidiaeth gyhoeddus, dulliau iach o deithio i’r gwaith, monitro cynllun teithio a chynlluniau rhannu ceir.

Bydd ein tîm yn Traveline Cymru yn mynychu’r seremoni wobrwyo ac yn trafod teithio gan ddefnyddio trafnidiaeth gyhoeddus a sut y gall busnesau elwa o ddefnyddio ein gwasanaethau cynllunio teithiau yn rhan o’u Cynlluniau Teithio.

Yn ogystal, bydd nifer o arddangoswyr allweddol eraill yn bresennol, gan gynnwys Sustrans, prif elusen y DU ar gyfer trafnidiaeth gynaliadwy, a Carbon Heroes, sy’n cynnal gwasanaeth rhannu ceir Rhannu Cymru. Bydd yr arddangoswyr hyn yn gallu darparu taflenni gwybodaeth a chyngor yn rhad ac am ddim ynghylch y cymorth a’r gwasanaethau amrywiol y maent yn eu cynnig i fusnesau yng Nghymru.

Rhoddir gwobrau aur (ar gyfer sefydliadau sy’n dangos arloesedd, brwdfrydedd, angerdd ac ymrwymiad parhaus) i Goleg Pen-y-bont ar Ogwr, Coleg y Cymoedd a chwmni PHS.

Rhoddir gwobrau arian (ar gyfer sefydliadau sy’n dangos ymrwymiad parhaus) i Grŵp Bancio Lloyds, Amgueddfa Werin Cymru Sain Ffagan a Sustrans Cymru.

Rhoddir gwobrau efydd (ar gyfer sefydliadau sydd wedi cwblhau cynllun teithio i safon dderbyniol) i Melin Homes Limited, Cymdeithas Tai Newydd a Grŵp Cartrefi RCT.

I gael rhagor o fanylion ac i gadw lle, cysylltwch â Deborah Stux drwy ffonio 01633 235392 neu ebostio deborah.stux@newport.gov.uk

Pob stori newyddion