Maint y testun: A A A
Cyferbynnedd:
Gwrando: More about BrowseAloud
Newyddion

Latest Tweets

@TravelineCymru This festive season, @AgeCymru’s Winter Celebrations will help tackle loneliness and isolation for over 500 older p… https://t.co/yFYTrlwAhP
@TravelineCymru Dros dymor y Nadolig eleni, bydd Dathliadau’r Gaeaf @AgeCymru yn helpu i fynd i’r afael ag unigrwydd ac arwahanrwyd… https://t.co/bc0NHchBYx
@TravelineCymru RT #Blackwood service update: Due to an issue with the vehicle, the 08:36 X15 service from Newbridge to Newport is cur… https://t.co/O4SW3bI2Wc
@TravelineCymru RT ❗️Rhybudd ❗️ #A55 C27 Llanelwy Tua'r Gorllewin . Cerbyd Wedi torri i lawr lôn 1 ⛔️. Swyddogion traffig ar y ff… https://t.co/46nUgexIzA
@TravelineCymru RT Service Update: From Monday 9th December 2019, Edwards Avenue in #Brymbo will be closed by Wrexham County Council H… https://t.co/GgtBhQlzjA
Pye Corner rail station

Agor Gorsaf Reilffordd Pye Corner ddydd Sul 14 Rhagfyr 2014

10 Tachwedd 2014

Mae’r Farwnes Susan Kramer, Gweinidog y DU dros Drafnidiaeth, wedi cyhoeddi bod disgwyl i orsaf reilffordd newydd agor yn Pye Corner ddydd Sul 14 Rhagfyr.

Mae’r orsaf reilffordd newydd sydd wedi costio £3.5 miliwn wedi’i hariannu ar y cyd gan Lywodraeth Cymru a chronfa gorsafoedd newydd yr Adran Drafnidiaeth, a oedd wedi addo adeiladu pum gorsaf newydd ledled y DU.

Ar ôl iddi agor bydd yr orsaf, sydd ag un platfform, yn derbyn trenau ar y gwasanaeth bob awr sydd eisoes yn rhedeg rhwng Glynebwy a Chaerdydd, ac mae’n bosibl y gallai gwasanaethau sy’n mynd i leoedd eraill gael eu hychwanegu yn y dyfodol. Bydd yr orsaf yn cynnwys camerâu teledu cylch cyfyng, maes parcio â lle i 60 o geir a mannau gwefru ceir trydan. Y gobaith yw y bydd cyflwyno’r orsaf newydd yn lleihau tagfeydd ar y ffyrdd, yn rhoi hwb i’r economi leol ac yn gwella mynediad i drafnidiaeth gyhoeddus yn sylweddol i bobl yr ardal.

Cyfarfu’r Farwnes Kramer â’r gweithwyr a’r contractwyr adeiladu, cwmni Alun Griffiths, ar y safle yn y Tŷ-du ac meddai, “Mae Pye Corner yn enghraifft wych o’r modd y mae ein buddsoddiad eithriadol yn adeiladu rhwydwaith sy’n diwallu anghenion pobl leol ac sy’n cynnig manteision go iawn i’r economi.”

Dechreuodd y gwaith ar y safle ym mis Ebrill 2014, ac yn ôl yr Adran Drafnidiaeth, dyma un o’r prosiectau adeiladu cyflymaf a welodd erioed. Mae disgwyl i’r orsaf gael ei chwblhau erbyn dydd Sul 14 Rhagfyr.

Gallwch ddarllen mwy am yr orsaf newydd yn y South Wales Argus.

Pob stori newyddion