Mae Llywodraeth Cymru am newid y terfyn cyflymder i 20 milltir yr awr mewn pentrefi, trefi a dinasoedd yng Nghymru.

Beth yw’r newidiadau arfaethedig?

Bydd y terfynau newydd arfaethedig yn cael eu cyflwyno mewn ardaloedd preswyl yn bennaf, ond byddant hefyd yn cael eu cyflwyno ar ffyrdd a gaiff eu defnyddio’n rheolaidd ar gyfer dulliau teithio llesol.

Gallai gostwng y terfyn cyflymder:

• leihau nifer y gwrthdrawiadau sy’n digwydd ar ein ffyrdd a lleihau eu difrifoldeb
• creu mwy o gyfleoedd i gerdded a beicio yn ein cymunedau
• helpu i wella iechyd a lles pawb
• gwneud ein strydoedd yn fwy diogel a helpu i ddiogelu’r amgylchedd ar gyfer cenedlaethau’r dyfodol

Mae’r cynigion yn cael eu treialu mewn 8 cymuned ledled Cymru.

Sut y gallaf ymateb?

Bydd eich barn yn llywio polisïau Llywodraeth Cymru cyn bod y newidiadau’n cael eu cyflwyno. Gallwch ddweud eich dweud am y newidiadau arfaethedig erbyn 1 Hydref yn y ffyrdd canlynol:

• Drwy ymateb i’r ymgynghoriad ar-lein
• Drwy lawrlwytho ffurflen ymateb a’i hanfon drwy ebost i 20mph@gov.wales
• Drwy lawrlwytho ffurflen ymateb a’i hanfon drwy’r post i’r cyfeiriad canlynol: Rhadbost RTLG-KURC-ELKJ, Llywodraeth Cymru, Parc Cathays, Caerdydd, CF10 3NQ.

Ffynhonnell y wybodaeth: Llywodraeth Cymru