Maint y testun: A A A
Cyferbynnedd:
Gwrando: More about BrowseAloud

Ffoniwch ni: 0800 464 00 00

Digwyddiadau

Latest Tweets

@TravelineCymru Bydd ‘Map Mynediad’ rhyngweithiol newydd yn darparu gwybodaeth am hygyrchedd gorsafoedd trenau ledled y DU. Gallwch… https://t.co/AKnq2ZKve9
@TravelineCymru A new interactive ‘Access Map’ will deliver information on the accessibility of train stations across the UK. You c… https://t.co/waaFQxmKgm
@TravelineCymru RT ⛔️#A487 yn ddau gyfeiriad ar gau oherwydd damwain o Llanrhystud i Llanfarian. Defnyddiwch ffordd arall. Cadw gol… https://t.co/qKDunTgUnT
@TravelineCymru RT ⛔️ #A487 in both directions closed due to accident from Llanrhystud to Llanfarian Please find alternative route.… https://t.co/cZRgIpBkNM
@TravelineCymru Judgement Day VII, which sees all four regions face-off in back-to-back rugby matches at the Principality Stadium,… https://t.co/XJG4w7nOfK
http://www.worldsnooker.com/tickets/2019-manbetx-welsh-open/

Pencampwriaeth Snwcer Agored ManbetX 2019 yn Arena Motorpoint, Caerdydd rhwng 11 ac 17 Chwefror

Bydd 128 o chwaraewyr snwcer gorau’r byd yn cyrraedd y brifddinas ym mis Chwefror i gystadlu ym Mhencampwriaeth Snwcer Agored ManbetX 2019. Cafodd y bencampwriaeth ei sefydlu yn 1992, a dyma’r digwyddiad hynaf ym maes snwcer ar lefel y byd (ar wahân i Bencampwriaethau’r Byd a’r DU).

Penllanw pencampwriaeth y llynedd, a barodd am wythnos, oedd brwydr gyffrous yn y rownd derfynol rhwng John Higgins a Barry Hawkins. Higgins a gipiodd y fuddugoliaeth o 9 i 7 yn y diwedd, a oedd yn golygu ei fod yn torri record trwy ennill y gystadleuaeth am y 5ed tro. Yn ogystal buodd sêr eraill ym maes snwcer, megis Ronnie O’Sullivan, Mark Selby a Mark Williams a gafodd ei eni ym Mlaenau Gwent, yn cymryd rhan yn y bencampwriaeth, sef yr olaf yng nghyfres gwledydd y DU o ddigwyddiadau ar gyfer 2018/19.

Eleni, bydd y chwaraewyr yn cystadlu unwaith eto am dlws y mae bri mawr yn perthyn iddo, sef Tlws Ray Reardon. Mae’r trefnwyr wedi annog y cefnogwyr i brynu eu tocynnau’n gynnar, oherwydd disgwylir iddynt werthu allan yn gyflym iawn. Pris y tocynnau rhataf yw £8, a gellir prynu tocyn diwrnod ar gyfer y rownd derfynol ddydd Sul 17 Chwefror am £55. Gall y cefnogwyr brynu tocyn i’r digwyddiad cyfan hefyd, a fydd yn sicrhau sedd iddynt ym mhob un o’r sesiynau. Pris y tocyn hwnnw yw £160.

 

Gallwch gael gwybod mwy am Bencampwriaeth Snwcer Agored Cymru a phrynu eich tocynnau ar wefan y digwyddiad.

 

Ydych chi am deithio i’r digwyddiad hwn?

Mae Arena Motorpoint 5 munud o waith cerdded o Orsaf Reilffordd Heol y Frenhines yng Nghaerdydd, ac 8 munud o waith cerdded o Orsaf Reilffordd Caerdydd Canolog. Yn ogystal, mae nifer o wasanaethau bws yn aros bellter byr o’r Arena. Mae gwasanaethau’n debygol o fod yn fwy prysur nag arfer cyn ac ar ôl y digwyddiad, felly dylech ganiatáu digon o amser ar gyfer eich taith.

 

Trafnidiaeth gyhoeddus

Os ydych am deithio ar drafnidiaeth gyhoeddus, defnyddiwch ein Cynlluniwr Taith i ddod o hyd i’r llwybr mwyaf cyfleus, manylion y gwasanaethau sy’n rhedeg a’u hamseroedd.

Os hoffech ddod o hyd i amserlen fysiau, ewch i’n tudalen Amserlenni. Yma, gallwch chwilio am lwybr bysiau penodol neu’ch lleoliad er mwyn gweld amserlenni gwasanaethau yn eich ardal. Yn ogystal, byddwch yn gallu argraffu’r amserlen er mwyn mynd â hi gyda chi ar eich taith.

 

Cerdded a beicio

Gallwch hefyd ddefnyddio ein cynlluniwr taith i ddod o hyd i lwybrau cerdded a beicio er  mwyn cyrraedd eich digwyddiad. Os ydych yn byw’n agos, gall cerdded fod yn ffordd wych o weld y golygfeydd a mwynhau’r awyrgylch cyn y digwyddiad!

Mae rhagor o wybodaeth ar gael ar ein tudalen Beicio a Cherdded.

 

Rydym yn cynnig gwasanaeth rhadffôn hefyd. Bydd un o’n cynghorwyr cyfeillgar wrth law i ateb unrhyw ymholiadau sydd gennych am drafnidiaeth gyhoeddus ac i’ch helpu i gynllunio eich taith. Ffoniwch ni ar 0800 464 00 00 yn rhad ac am ddim!

< Pob digwyddiad