Nadolig yng Nghastell Caerdydd – o ddydd Iau 12 Tachwedd 2020 tan ddydd Sul 3 Ionawr 2021

Gŵyl y Gaeaf Caerdydd sydd fel rheol yn denu’r torfeydd i ddathlu’r Nadolig yn y brifddinas, ond mae cyfyngiadau Covid yn golygu y bydd pethau ychydig yn wahanol eleni.*

*Following updated public health guidance, it has been decided that the Ice Walk attraction will remain closed.

O ddydd Iau 12 Tachwedd tan ddydd Sul 3 Ionawr, Castell Caerdydd fydd yn cael y lle blaenaf wrth i ymwelwyr gael cyfle i fwynhau ‘Nadolig yn y Castell’ mewn amgylchedd diogel o ran Covid, lle bydd pawb yn gallu cadw pellter cymdeithasol.

Bydd hen ffefrynnau Gŵyl y Gaeaf yno, gan gynnwys yr Olwyn Fawr eiconig (a fydd yn cynnig golygfeydd godidog o’r ddinas i chi), reidiau difyr i’r teulu, a bar y Caban Sgïo o’r Alpau. Bydd teithiau traddodiadol Siôn Corn o Oes Fictoria yn cael eu cynnal hefyd, a fydd yn ei gwneud yn bosibl i’ch plant bach weld y dyn ei hun yng nghwmni eich teulu chi’n unig! 

Bydd pob un o’r ardaloedd bwyta ac yfed, gan gynnwys ‘Profiad Parhau i Fwyta Allan’ y Castell, yn glynu wrth ganllawiau llym ynghylch iechyd a diogelwch fel eich bod yn gallu mwynhau danteithion melys a bwydydd a diodydd traddodiadol eraill y Nadolig yn ddiogel.

Mae’n bosibl y bydd yn rhaid i chi aros i fynd i mewn i dir y Castell yn ystod cyfnodau prysur, felly caiff ymwelwyr eu hannog i ymweld yn ystod cyfnodau tawelach er mwyn helpu pawb i gadw pellter cymdeithasol.

I gael gwybod mwy am yr holl weithgareddau gwych a fydd yn digwydd y Nadolig hwn yng Nghastell Caerdydd ac i archebu eich profiad preifat o Daith Siôn Corn o Oes Fictoria, ewch i wefan Castell Caerdydd.

Rydym yn dal yma i ddarparu gwybodaeth am drafnidiaeth gyhoeddus ar eich cyfer os oes angen i chi deithio:

• Coronafeirws – Y wybodaeth ddiweddaraf am wasanaethau trafnidiaeth: Gallwch gael gwybod am yr holl newidiadau diweddaraf i amserlenni wrth i wasanaethau ymateb i’r pandemig.
• Canllawiau Trafnidiaeth Cymru ynghylch teithio yn ystod y pandemig coronafeirws: Gallwch gael y cyngor diweddaraf gan Trafnidiaeth Cymru ynghylch teithio’n ddiogel ar drafnidiaeth gyhoeddus, canllawiau ynghylch defnyddio gorchuddion wyneb, gwybodaeth am ddulliau llesol o deithio, a mwy.
• Canllawiau gweithredwyr bysiau ynghylch teithio yn ystod y pandemig coronafeirws: Rydym wedi crynhoi cyngor gan weithredwyr bysiau ledled Cymru ynghylch sut mae teithio’n ddiogel ar eu gwasanaethau, ac wedi crynhoi manylion am y mesurau a gyflwynwyd ganddynt er mwyn helpu i’ch cadw yn ddiogel.