Maint y testun: A A A
Cyferbynnedd:
Gwrando: More about BrowseAloud
Newyddion

Latest Tweets

@TravelineCymru Following the lifting of essential travel restrictions in and out of Wales, @transport_wales have updated their FAQ… https://t.co/aafMBymiFr
@TravelineCymru Ers i’r cyfyngiadau teithio hanfodol gael eu llacio yng Nghymru, mae @transport_wales wedi diweddaru ei gwestiynau… https://t.co/erhrURKnKc
@TravelineCymru RT The planned roadworks for Caerphilly Interchange have been called off for tonight. Our services will operate as nor… https://t.co/kU2etHW0dd
@TravelineCymru RT 🚧SERVICE UPDATE - 73🚧 Our 11:18 Blaengarw to Bridgend 72 Services is currently awaiting Engineering Support and is unlikely to operate.
@TravelineCymru RT #Porth Svc Update: 170 from #Tonypandy to #Blaenllechau @ 11:20 is currently awaiting engineering, updates to follow.
Newport-Bus-To-Operate-New-Chepstow-To-Bristol-TrawsCymru-T7-Service-Traveline-Cymru

Newport Bus yn rhedeg y gwasanaeth o Gas-gwent i Fryste drwy Cribbs Causeway

06 Ionawr 2021

Newport Bus sydd bellach yn gyfrifol am redeg llwybr bysiau i gymudwyr, sy’n cysylltu Gwent â Bryste.

Dechreuodd gwasanaeth T7 o Gas-gwent i Fryste, sydd wedi’i ailfrandio, weithredu ddydd Llun ar ôl i’r cwmni trafnidiaeth sydd â’i bencadlys yng Nghasnewydd ennill y contract pum mlynedd. Mae’r gwasanaeth yn rhan o rwydwaith TrawsCymru o lwybrau bysiau cyflym, a noddir gan Lywodraeth Cymru. Bydd y gwasanaeth ar gael am ddim i deithwyr tan 10 Ionawr.

Erbyn hyn mae gwasanaeth T7, a elwir yn wasanaeth Traws Hafren ers mis Mehefin 2020, wedi’i ehangu i gynnwys bysiau ar benwythnosau. Yn ôl Newport Bus, penderfynwyd cynnig gwasanaeth saith diwrnod yr wythnos “er mwyn diwallu anghenion pobl sy’n gweithio ar benwythnosau, y sawl sydd am siopa a myfyrwyr”.

“Rydym wrth ein bodd o fod wedi cael ein dewis i redeg y gwasanaeth T7 newydd,” meddai Scott Pearson, rheolwr gyfarwyddwr Newport Transport, y gweithredwr bysiau yng Nghasnewydd. “Dyma’r gwasanaeth TrawsCymru cyntaf i ni fel cwmni ei redeg, felly rydym yn edrych ymlaen at ei ddatblygu er mwyn darparu’r gwasanaeth gorau posibl i’n cwsmeriaid.

“Mae’n garreg filltir bwysig i Newport Bus, ac rydym yn gobeithio gallu dangos ein gwerth o safbwynt helpu i wella rhwydwaith TrawsCymru.”

Cafodd gwasanaeth Traws Hafren ei sefydlu yn ystod haf y llynedd a’i redeg gan NAT Group fel cynllun peilot chwe mis er mwyn disodli llwybr blaenorol gwasanaeth y Severn Express a fu’n teithio rhwng Casnewydd a Bryste drwy Gas-gwent.

Bydd y gwasanaeth T7 newydd yn mynd o Gas-gwent i ganol dinas Bryste drwy ganolfan siopa Cribbs Causeway yn rheolaidd, saith diwrnod yr wythnos. Bydd gwasanaethau ychwanegol yn gynnar yn y bore a gyda’r hwyr yn cysylltu Magwyr a Chil-y-coed â’r gwasanaeth. Mae’r amserlen o ddydd Llun i ddydd Gwener ar gyfer y gwasanaeth T7 newydd yr un fath â’r amserlen ar gyfer llwybr gwasanaeth Traws Hafren.

Meddai’r Cynghorydd Jane Pratt, yr aelod cabinet sy’n gyfrifol am drafnidiaeth gyhoeddus yng Nghyngor Sir Fynwy: “Mae hwn yn wasanaeth rhanbarthol o bwys, sy’n cynnig cymorth hollbwysig i’r sawl y mae angen iddynt deithio er mwyn gweithio, cael addysg neu ddarparu gwasanaethau. Bydd hefyd yn hybu twristiaeth ac yn cysylltu ffrindiau a pherthnasau â’i gilydd.

“Rydym yn ddiolchgar tu hwnt i Lywodraeth Cymru am fuddsoddi yn y gwasanaeth strategol hanfodol hwn.”

 

Ffynhonnell y wybodaeth: South Wales Argus

Pob stori newyddion